【头条独家】15亿人民币新作遭搁置 彭浩翔饮啡目露凶光

彭浩翔以前拍好多本土电影，人望高处，之后彭导就向内地发展。年初有消息指彭导将拍摄金庸的《鹿鼎记》，新闻咁样写，「以三部曲形式重回大银幕，每部预算暂定8000万美金，(约5亿人民币)」一部5亿人民币，三部就15亿，哗哗哗哗哗。不过最新消息就话呢，「《鹿鼎记》涉外族敏感内容，不获发拍摄批文遭搁置。」咁彭导点算?唔知呀，剩系见佢同老婆饮啡唔识笑罗。采访:梁志明

上网Check彭浩翔套《鹿鼎记》，资料唔多，只知计划2019年中开拍，2021年上映，演员非常秘密，有传周迅有份演出，同埋彭导筹备咗两年，仲话个剧本系佢写过最好嘅剧本。不过内地拍戏要攞批文，据知半年前开始申请拍摄批文，一直未批出，原因系电影内容涉及攻打外族比较敏感，剧本几次修改都仲未过到关，投资方惟有将前期筹备工作全部叫停。

见到记者刻意笑
据知彭导唔想无了期咁等，所以已为英皇公司监制一部低成本电影《怕死联盟》，亦已在成都拍摄中。日前下昼，彭导同老婆同一友人喺铜锣湾利园饮咖啡，全程彭导负责发言，其馀人负责听，彭导表现唔算太Sad，但笑容唔多，有时仲会目露凶光，之后见到记者就刻意大笑，仲要笑出声，饮完就行过隔离商业大厦食饭。