【发奋自强】曾被叫中国猪 向佐拍片自豪是中国人

一直想成为功夫演员的向佐公开了一段6分钟的短片，片中的他开首已表明「身为中国人而感到自豪」，出生于香港的向佐跟大家分享一段往事，「13岁去咗英国一间寄宿学校读书，住第二晚已经畀十几个同学用枕头打，佢哋想话我知，佢哋唔欢迎皮肤唔同颜色嘅外人。第二日，有高年班师兄叫我去执树枝同洗碗，我问点解？佢话:『因为你系中国猪。』」

向佐第一次感受到歧视觉得好唔开心，「未出国前，以为自己是香港人，原来喺国外，我就系中国人，身为中国人，对民族有一份强烈感情。」因为民族感情的推动力，向佐决定要做一啲嘢，佢留意到整个英国都喜欢 Rugby，「我为咗玩Rugby，唔理落雪定落雨都不停练，有日教练终于发现我有进步，有一次仲安排我落场处理罚球，嗰刻我只有一个信念，就系『向前冲』，最后队友赞我做得好，亦开始被尊重。」

因为呢件事，再无人叫向佐做中国猪，亦再无人虾佢，佢仲搵到自己方向。出生在香港的向佐立志成为功夫演员，「因为香港除咗系世界最重要嘅金融中心，亦系最自由嘅国际城市，同埋功夫电影嘅发源地，我想通过呢个专业，去延续同发扬我哋民族不屈不挠嘅精神，对国家民族同家人，血脉相连嘅感觉一样，系自然嘅归属感。」

说毕即插入歌曲《东方之珠》，向佐最后重申，「我通过我嘅言行，我嘅努力，以最适合自己嘅方式去表明身为中国人嘅自豪。」最后画面有两行字，「愿凭着我们每一个香港人的努力，还原这颗东方之珠的光芒。」