【头条独家】唔急生B 等嫁女神疯狂晒命 倪晨曦好威乜都话晒事

今年初，拥有逾73万follower的KOL界人气女神倪晨曦（Elva）宣布明年二月下嫁拍拖两年、从事金融业的圈外男友V先生，正式封盘。准新娘表示最爱未婚夫能给予安全感，对她又好千依百顺，绝对是「爱妻号」。至于32岁的Elva讲明婚后继续做嘢，生BB迟啲先，老公无意见总之乜都就晒老婆，好闪呀。 撰文：李佩仪 摄影：李维隆 婚纱：AOLISHA Dorian Ho 化妆：Janice Lam @glowmakeupacademy 发型：Eas Fu @Admix HairStyling 场地：如心海景酒店暨会议中心

Elva原定婚期于本年尾，但因book唔到场地要押后至明年2月底举行，行礼、注册和婚宴全在香港搞掂，她表示现与未婚夫开始筹备婚礼，问是否由她揸fit？Elva表示她一早拣好晒所有嘢，例如场地主题、布置和鲜花等，如果过程中遇到难题，未婚夫就会出手解决。与未婚夫拍拖两年，虽然时间不算太长，但已很了解，她说：「啱啱拍拖时都有少少争拗，可能相识时性格唔系最夹，但呢两年相处得好已经好了解。」

赞未婚夫细心
谈到honeymoon地点时，Elva显得好头痕：「结婚好多嘢搞好烦，完晒先再谂。」问未婚夫最想去边？她即笑言：「佢冇㗎！（你话晒事？）系吖！」Elva续称最欣赏未婚夫好孝顺，续说：「佢好锡屋企人，（佢好似照顾屋企人咁照顾你？）系吖，同佢一齐好安心，好似去旅行我唔锺意plan好多嘢，但佢系做足10分嘅功课，之前去玻利维亚影婚纱相，佢搵咗好多资料，谂好晒schedule，真系好细心！所以同佢去旅行我乜都唔使做，净系搵啲地方影吓靓相就得。」

做嘢先唔生住
未婚夫如此宠爱，Elva婚后可以做少奶奶，她却说：「我系工作狂，一定会继续工作。」她表示出Trip做嘢都冇问题，但时间只限于一星期，如果多过一星期，会叫另一半飞去当地陪伴。她表示老公是百分百支持她工作，但当然她都要畀多啲时间喺屋企，问她爱做「煮妇」吗？茹素两年几的她笑言：「喺屋企净系煮素食，如果佢想食肉就要出街食。」问到婚后会否随即展开造人大计？她笑笑口：「随缘啦，呢样嘢系个天赐畀你嘅。」她指生BB心急唔嚟，反而嚟紧大计是开瑜伽studio，她说：「我做瑜伽都有6年，考咗牌都有教人，早前同朋友倾开，大家想夹份开间studio，希望忙埋婚礼后，明年可以成事！」