【头条独家】湿身啜人夫变性感Icon 冯盈盈谷Y形豪乳袭兰桂坊

25岁嘅前港姐冠军冯盈盈，早排同人夫张頴康喺《解决师》中湿身肉搏兼激咀嘅trailer播出后，睇到人哗哗声！搞到当事人都话要跪低向正印医生男友宝宝认错添！但为剧情需要，坦言可以去得好尽嘅盈盈，日前晚上喺中环兰桂坊再度上演香艳一幕。当晚，盈盈和陈展鹏为刘家豪监制嘅无綫新剧《逆天奇案》拍外景，见女方穿上贴身裙谷出33C「Y形胸」，化身夜蒲女，拍打戏时双峰激荡，小心流鼻血呀！ 采访 : 李权威、方骞平

去年大热夺得「飞跃进步女艺员」嘅冯盈盈，近年人气高企，全因呢位16年港姐冠军直肠直肚、性情够真唔造作，又不时喺其主持嘅代表作《#后生仔倾吓偈》中惊爆金句，好得宅男欢心。不过现实中，呢位前港大校花一早封盘，同十优状元兼医生男友锺文浩（Martin宝宝）拍拖几年，月前更一齐买楼同居。

形象入屋嘅盈盈，继《解决师》中火辣啜爆张頴康后，近日再突破戏路，在新剧《逆天奇案》中扮演美艳黑客Ana，造型性感，仲劲多异性埋身添。日前晚上，盈盈和拍档陈展鹏现身中环兰桂坊拍摄外景。当日剧情讲述一身夜蒲打扮嘅索女盈盈带醉截的士，却被急色外籍男夹上私家车毛手毛脚，好醉嘅盈盈仍奋力挣脱，落车后狂踢贱男下体，同时饰演高级督察嘅陈展鹏man爆现身相救。

见盈盈着上谷胸裙埋位，举手投足夹出4寸深沟，极度养眼。性感上阵嘅盈盈拍摄时好放，同外籍男纠缠时双峰凸出，又狂踢贱男下体，露出打底黑裤。3 take过后，盈盈紧张睇playback，当导演收货时才识得笑，再与陈展鹏拍埋场对手戏。

唔敢做性感女神
其后，记者上前采访，大赞盈盈造型sexy，有胸有腿好索，又被途人猛𥄫有无尴尬？盈盈笑笑口说：「多谢大家赞我，其实呢个造型都系剧情需要，只要出嚟效果靓，我会豁出去做嘅。(同男友备案？)唔使，男友唔过问。(连番性感演出，系咪想做新一代性感女神？)哗！唔敢当亦都担唔起呀！哈哈！对我嚟讲性感嘅定义系唔使好暴露，身材要有线条，令人感觉到身材紧致，好似有少少腹肌啦！我都努力做紧gym㗎！」