【头条独家】一支公坐街边食雪茄熊黛林老公享受单拖的快乐

2019-11-01 19:30

2016年，熊黛林(Lynn)嫁畀郭可盈细佬，家族有过亿身家的郭可颂，去年为老公诞下一对孖女Kaylor与Lyvia，一家四口快乐过生活，不知不觉，二人已经结婚三年，本月27日是他们的结婚周年，Lynn在ig上载了一张与老公的合照，相中Lynn露出甜笑，并挨实老公膊头，相当恩爱。好恨结婚又好恨有仔女嘅Lynn一讲到屋企永远笑咪咪，仲经常放家庭相到社交网，公告世人佢好幸福。日前下昼，着到全身黑，好大胆嘅郭可颂去大坑饮啡，留意返佢系一支公，无伴郭生坐街边叹雪茄，感觉好爽皮。采访:李维隆、李权威

刚度过39岁生日嘅Lynn，日前撇低两个女同老公去瑞士旅行庆祝生日。问到老公有无畀惊喜佢，Lynn就话生日前一日返酒店房时，见到有花有香槟。她称︰「老公以为我识穿咗，其实我当时实在太攰，完全唔知发生乜事！」简单嚟讲，即系有惊喜。

全身黑好危险
月前，Lynn得老公批准可以北上拍剧赚下外快，点知回港后，孖女竟然唔系好认得阿妈，搞到佢喺社交网狂呻，不过竟然畀内地网民寸爆佢「扮外国人」，识笑其实好好笑。老婆有时要开工，咁郭生一支公凑女凑到好攰，出街轻松吓都好正常。当日下昼就见到佢去咗大坑饮啡，咖啡店铺头好细，最多坐四个人，所以熟客都会拎啡去铺头旁饮，当日郭生就拎住快乐孖宝，即一杯啡一支雪茄坐喺路边慢慢叹，一边揿电话一边四围望，一个人不知几快活。