【头条独家】戴黑超有型行街突有便意 尹光转蒙面Look公厕「卸货」

有「庙街歌王」之称的尹光，虽然年届72，但仍宝刀未老，今年仲同唱片公司续约10年，唱到2029年都仲得！日前他与爱妻李丽仪去筲箕湾行超市及睇看家品，型爆戴超的他更被fans截停集邮，两公婆行到街尾，尹光突然除黑超兼戴口罩，原来佢人有三急要去公厕「解决」，佢太太在楼下等足20分钟，歌王现身时成个人爽晒，跟住仲即刻变回原本个黑超look，睇嚟喺公厕卸咗好多货喎！采访：李维隆

尹光有大量经典歌，如《荷里活大酒店》和《你阿妈大减价》，唱到而家都仲唱紧，刚跟唱片公司续约10年的他表示会唱到82岁，他笑言：「就算到时我唱到冇晒牙，咁咪整假牙罗；就算行唔到，我咪坐轮椅、用拐杖唱罗！」永不言休嘅歌王真系好热爱唱歌，佢仲话未来会继续唱rap，每年会举行粤曲及流行曲演唱会，还会到不同地方登台，Fans好有福！

秘秘密密去公厕
日前尹光同太太现身筲箕湾东大街，戴住黑超的前者行咗一阵已经被两女一男Fans认出，拉住佢要影合照，尹光无任欢迎，仲逐个逐个影添。之后尹氏夫妇去咗零食店睇饼乾，睇咗一阵冇嘢啱，再过隔离铺头睇家品，斋行无入手。跟住尹光突然急急脚行到街尾，除低黑超、戴上口罩的再走上1楼的公厕，见尹太在楼下等了足足20分钟，尹光终于松晒落返嚟。一搞掂，他又除低口罩戴番副超，话晒歌王点可以畀人见到去公厕，明嘅。