刘德华新戏「炸地铁站」 古天乐感兴奋

刘德华、古天乐两大男神接受香港开电视专访，古仔回忆拍《扫毒2天地对决》期间，同时兼顾几部电影的拍摄工作。谈及如何投入每个角色，古仔透露：「每部戏我都会搵一首歌出嚟，当你一听首歌，果个人物自然会走出嚟！同埋当你做起嘢上嚟，个人唔系好识攰，以前我同华仔喺电视台都试过，连续番21、22个钟，你番到屋企究竟冲凉定瞓觉任你拣！」

而作为主演兼监制的刘德华，则解构搭建中环港铁站，与古仔作最后对决的原因：「我地最初拣咗好多地方，原本打算去到沙田桥底，落埋水坑咁样，但始终觉得呢啲场景好多人见过，同埋唔似喺大家身边发生，所以决定搭建中环站，于是就喺其他场景里面剩番啲钱，用嚟做呢场戏！」

提及这场戏，古仔亦兴奋表示：「因为真系一比一搭出嚟，同埋有时睇戏会谂点解外国咁好咩都可以炸，但香港就唔系好得！我成日觉得，哗！地铁站炸咗佢？好嘢喎！」

至于去年底因喉咙发炎，被迫取消演唱会的华仔，亦预告明年会以最佳状态重踏红馆舞台：「因为我9月就已经系星马巡回，所以由7、8月开始，我会慢慢投入果个节奏，直至出年2月香港演唱会补场！」