【双雄首次合唱】古天乐自认业馀 刘德华：我都系业馀到依家

刘德华与古天乐首次为二人主演的电影《扫毒2天地对决》合唱主题曲《兄弟不怀疑》，双雄首次合唱，为音乐市场注入新力量，古仔闻言笑言：「咁大件事？咁都好可歌可泣啦喎！唱歌我业馀嘅啫，唔好咁讲。」华仔也笑说：「我都系业馀到依家，谂番起对上一首刚阳味重嘅歌，都好多年前同伟仔（梁朝伟）嘅《无间道》，所以依家市场上都需要番啲男性嘅音乐同歌曲。」
古仔问：「华哥有冇听过我啲歌呀？」华仔即说：「有！我都听过好多，但真真正正讲个歌名出来真系几难。在录音过程中，知道古仔会担心自己做得唔好，但佢睇小咗自己，事实佢做得好好！我几锺意佢唱『关系』个段，大家留意下!」古仔听到要互相评分，他立即笑说：「咁我一定系0分，华哥就100分！」
电影讲述双雄之间的兄弟情，主题曲歌词出自监制及主角之一的刘德华手笔，华仔表示写了好几日。问对古仔有否对歌词给意见？他说：「佢哋有畀份歌词我睇，我第一个反应系：唔好玩啦！我都唔识唱歌，点畀意见啫！」至于在录音时分别脑内想像甚么来投入感情？古仔谓：「谂起最后Ending 在地铁内嘅画面，十几年嘅兄弟情，因为大家唔肯听大家讲嘢就冇咗。」