早知契女谢婷婷生B？ 汪明荃：都有啲意外惊喜

汪明荃（阿姐）与森美及苏永康等为游戏节目《娱乐大家》录影，梳了「春丽头」配上黄色裙的阿姐，配合造型摆出多个娇俏甫士。

谈到契女谢婷婷前日突然在社交平台宣布已为人母，诞下了一名B女，荣升契婆的阿姐说：「婷婷有话畀我知，但冇畀相我睇，都想睇吓BB，睇佢几时返嚟啦，都好耐冇见佢，因为佢唔喺香港。（你有几耐冇见婷婷？）大家都话一年冇见佢，我都系差唔多时间啦。（欣宜最近见过婷婷？）佢哋都老友。」

问对婷婷生B是否早已知情？她坦言比大家早一点时间得知：「之前已经知道，都有啲意外惊喜，不过始终咁大个，佢一向都有拍拖。（但婷婷冇公开恋情？） 呢啲好私人，唔使公开啦。( 你比谢贤更早知道？) 我同契女几close，后生女处理有自己一套，都恭喜佢。」问到会送什么礼物给契孙女？阿姐称还未想到，或按传统送金链或金器。