萧正楠曹永廉搞演唱会 黄翠如呷醋：佢两个嘅世界未必想有我喺度

黄翠如、陈自瑶、糖妹等为游戏节目《娱乐大家》担任嘉宾，刚刚在外地补举行婚礼的翠如，即场向工作人员及艺员朋友派发囍饼咭，提到饼咭上的苹果树图案设计别致，翠如冧爆指是由老公萧正楠亲自设计，图案取自二人的定情苹果树。问到翠如可欣赏老公的构思？她说：「好过冇，够简单几好呀。（利是封都系苹果树？）好提议呀，可以凑一套。（沉醉紧新婚喜悦？）阿萧已经投入咗另一角色，只得我自己继续玩喇，不过我都倾紧一个新的旅游节目，暂时未倾好去边，相信近几个月会成事，拍档是洪永城，大家有4年冇一齐主持旅游节目。」

阿萧将与老友曹永廉于九月举行演唱会，翠如指是二人首次在香港演出，笑说：「都几得人惊，两个男人可以好朋友到搞到一坛咁的演出，佢哋已经一齐去过好多次Trip，可能仲多过我同阿萧去旅行次数，结婚时阿廉是伴郎，大部分时间佢都企我哋中间，当时佢好感动、好似佢嫁女咁。（第时你生仔跟埋入产房剪脐带？）跟跟吓会唔会佢自己有咗？（演唱会上台吗？）冇邀请我，佢两个嘅世界未必想有我喺度。」