祖马龙心水│「佳运发」过关头缆

Coldplay嚟香港，黄牛党当大家傻仔，一张飞炒贵九倍，呢铺就算中咗六宝，祖马龙都要揿住荷包。仲记得当年SARS之后百业萧条，全城搞活动振兴经济，计有Westlife、Air Supply、滚石乐队等相继喺维港巨星汇演出。祖马龙当时仲细，鸡肠都唔识多只，但呢啲乐队出名到无可能唔识，虽然唔系特别锺意听佢哋啲歌，但名气呢家嘢确实吸引到祖马龙，好想去感受吓气氛，不过门票难买、黄牛又抢钱，所以只能望门轻叹。

今期沙田赛日，祖马龙都系追逐名气马，「钻石星空」连场无W有P，计血统增程系合理部署；九月尾「气势」季内初出，沿途用力七成，赢返嚟轻轻松松，呢铺无得拗颈，六环揸一只守尾门；「佳运发」跨季跟咗好多铺，上季548出品，玩到今季都仲有渔获，估计仲未到休渔期。

投注策略三串一，「佳运发」P、「钻石星空」P、「气势」W，一注过关轻轻松松等睇好戏！

第五场：1佳运发、5安泰、3富国兄弟
第九场：5钻石星空、8纵横天下、2竞骏飞翔