卡尔心水│「胜万金」落班翻生

中秋佳节就金多宝，追月就谷草夜马，连续两日好似观音开库咁。六合彩卡尔就无贴士畀大家，谷草夜马呢，卡尔几好心水，真系唔使搵黄大仙、唔洗搵车公喇！

第四场「胜万金」初出到依家卡尔一直跟进，点知跑咗十铺八铺，连一个P都无。跑咗咁多场，只马到依家都只系四岁，呢铺落埋五班，潘顿肯骑，排个五档，应可咸鱼翻生！只要出闸肯放，入到直路睇吓顶到几多，今次系出头良机。之前夹夹埋埋做咗咁多铺善事，呢铺我终于见到观音衫尾喇！

最强对手要数「飞跃凯旋」，游完一轮马河回师首本，必须重视。佳节流流，点都要搵番啲灯笼钱，呢铺「胜万金」搭「飞跃凯旋」连赢位置Q，有本嘅不妨要埋头场「日驰千里」，祝大家追月快乐！

第一场    3    日驰千里    5    精彩骏将    9    精明选择
第四场    4    胜万金    10    飞跃凯旋    3    华丽活力