仲达心水│「伶俐骉驹」一放而回

第三场四班一二○○米泥地。周六雨势很大，即使今日赛事进行时停雨，但泥地势必受影响，估计会系「封地」居多。上次封地虽未成事，但当日放头一定冇蚀，今日两场泥地短途又要秤先跑法主动型马。

「伶俐骉驹」连跑五场泥地千二米只得两亚，话好叻一定唔系，不过快马临场表现如何，有时很取决于同场有几多快马，同埋啲快马有几快！佢近期每次跑此程都遇上「钻饰璀璨」，前次仲有埋跑谷草一千都一放而回嘅「颜色王子」，形势上颇为不利。若睇番366场次，虽然同场都有两匹快马，但「伶俐骉驹」早段较易埋到栏，转弯可贴栏先悭力，虽然赛事头八百步速仍比标准快逾0.7秒，但佢最终都可保住亚军，只负于一匹真系赚晒步速嘅「佳尊三」。

今次「伶俐骉驹」排八档虽不算好，但同场只有一匹「中华威威」属前领型，以「伶俐骉驹」嘅前速应不难在早段切入，形势一定比近两次跑此程时好，难得近期跑谷草都识追，状态应没问题，只要场地帮到手，有力一放而回。

第三场：8伶俐骉驹

第七场：4艾莉奥

第十场：5美丽奔驰

紧贴最新最快新闻资讯，请立即下载《星岛头条》App：https://bit.ly/3Q29Vow