乐●活｜吃喝玩乐有优惠

锺意网购嘅朋友，相信对于「直播带货」一啲都唔陌生，即时会谂到嘅都系以优惠价抢购衣物服饰、美容护肤、家居用品等。Laurie今晚就准备睇一场抢高级美食嘅「直播带货」，讲嘅唔系一般水果、零食、饮品，而是亲身去高格调居酒屋酒吧，享用美酒佳肴。

今次嘅直播系由ViVi创立嘅直播平台 Mixx Collection举行，向来以售卖时尚服饰、美容健体、美馔佳肴等，今次更首度与居酒屋酒吧「形Katachi Bar & Kushiyaki」联乘合作， 除咗会即场推介居酒屋必食名物，更加有独家优惠。直播会于8月18日晚上9时喺Mixx Collection Facebook频道举行。

今晚介绍嘅居酒屋酒吧形Katachi Bar & Kushiyaki，除咗有日式居酒屋佐酒小食外，更擅长于四川及重庆串烧，除咗食材优质、烹调手艺一流，仲有自家秘制调味，上碟成品香口惹味之馀，摆盘更非常打卡able！ 居酒屋酒吧又点少得酒，除咗多款清酒Sake、驻场调酒师创作嘅特色Cocktail外，亦有齐红酒、白酒、香槟、苏格兰威士忌、Gin、Rum等，适合唔好喜好嘅品味。店内更设有电子镖机、桌球枱及Beer Pong，最啱约埋朋友一齐畅谈畅饮。

今次直播中推出嘅独家优惠系可以即时用7折嘅价钱抢购形Katachi Bar & Kushiyakg嘅餐饮礼券，而且使用效期更长达3个月。

锺意食嘅朋友都知，新鲜制作、焗制嘅食物就最好食。奇华饼家由8月19日至8月21日期间，会喺湾仔皇后大道东、香港仔利港中心、柴湾新翠商场、将军澳康城、深水埗西九龙中心、长沙湾青山道666号、尖沙咀加拿芬道、旺角MOKO新世纪广场及青衣城推出「新鲜焗制奶皇月买一送一」中秋限定优惠。大家可以入手4件装现烤奶皇月，每盒有2蛋黄奶皇月、同埋朱古力奶皇月及伯爵茶奶皇月各1件，每人限购2盒。顺带提提大家，想食到最美味嘅奶皇月饼，可以用气炸锅以160°C加热约3至4分钟，或放进焗炉以150°C慢烤约10分钟，然后取出后放凉1至2分钟，或可放入微波炉加热20秒，令味道及口感提升。

星巴克最近正举行Starbucks Co-Brew 饮品创制活动，大家除咗可以喺网上发挥创意设计星巴克饮品，然后参加投票活动外，更有听日起每逢周五至周日推出Starbucks® Co-Brew饮品研制室，分别会喺尖沙咀海旁海滨花园星光大道地下（8月19-21日）、铜锣湾新宁道1号利园三期1楼101-110号铺（8月26-28日）、太古城中心地下005-006号铺（9月2-4日）、大埔超级城C区2楼598-599号铺（9月9-11日）畀大家实际体验饮品创制，只要在分店购买任何含鲜忌廉的冻手调饮品/星冰乐，便可以免费从10多款配料中挑选2款配料，包括蝴蝶酥、爆谷、棉花糖、多款谷物脆片、威化棒、菠萝乾、红莓乾等特别配料，令大众在店内都可以发挥创意，一尝不同配搭再到Starbucks Co-Brew网站参与创作。

作者：Laurie Wu（爱保健爱旅游爱购物的熟女）
[email protected]