乐●活｜走进动物世界

今年嘅暑假来得有点迟、有点短，当然要把握时间做好Planning带仔女去放电，自己亦趁机放松下！香港可以睇动物嘅地方唔多，想带小朋友边玩边认识唔同物种嘅机会较少，今个夏天多个商场都有以「动物」为主题嘅展览或活动，虽然算不上见到真动物，但都算系一个亲亲「动物」嘅好机会！

热带雨林占地球总面积大约只有2%，但就系超过60%动植物种嘅家园，但系带住小朋友比较难去到探索当中嘅神奇奥秘。即日至10月4日期间，马鞍山MOSTown新港城中心将化身成热带雨林探索大本营，大家可以一齐参与「盛夏雨林探索站@MOSTown」主题活动，边刺激探索、边学习生物多样性及保育知识.

场内有全港首个全方位电子「昼夜雨林体验馆」，沉浸于唯美光影及环回声效之中，观赏热带雨林昼夜交替嘅壮观景致，日间可以欣赏到橡胶树、棕榈树等雨林乔木嘅壮丽奇观，以及流水间上百朵雨林特色花卉同时盛开嘅景象；黄昏则可以陶醉于天色幻变，浪漫醉人嘅Magic Hour；夜间就可以喺璀璨星空下被万千萤火虫包围。仲有1.8米高、世界上体型最大嘅水獭「巨獭」雕塑更会霸气登场，带领大家走进「雨林动物保育基地」访寻多种濒临绝种嘅珍稀动物，了解佢哋嘅生态同生境。

另外，由香港大学生物科学学院专家团队管理嘅香港生物多样性博物馆，亦会于商场内举行「博游生物@MOSTown」标本展，展出包8种热带及亚热带雨林嘅珍贵动物本，包括濒危动物黄喉拟水龟、长尾虎猫、迷你爪哇鼷鹿、树鼩等，同场仲有4种色彩亮丽嘅鸟类展出，包括蓝翡翠、白胸苦恶鸟、棕背伯劳及斑文鸟，大家可以趁机仔细了解各物种嘅特徵、觅食行为、栖息环境，以及独有嘅生存技俩等。

ifc商场就与本地纸艺设计单位Stickyline就以平面纸张为基础，制作出热带雨林动物，于即日起至8月28日展出「The Wild Wonders」雨林艺术装置。透过简约玩味嘅「Low-poly」向量绘图风格，结合摺叠纸艺，透过多层次摺叠及拼接，运用深浅颜色纸材，塑造出立体像真嘅动物形态，呈现与真实物种1:1比例的纸艺动物雕塑，将6种热带雨林动物—貘、金狮面狨、鳄鱼、美洲豹、树懒及巨嘴鸟1:1还原，当中貘、鳄鱼和巨嘴鸟更有仿真动态。除咗欣赏动物纸艺外，亦可了解热带雨林动物的习性及趣味小知识，融入同样以纸张构建嘅热带雨林中。

至于将军澳广场与呜鸦自然教室合作以「动物留下的线索」为主题，由即日起至8月28日举行「超级『无手尾』的动物邻居！」展览。所谓嘅「，原来这些手尾」其实系指有啲动物会喺大树上留下啃了一半嘅叶子、有啲就会喺草堆遗下用完嘅鸟巢、有的就会四处留脚印、甚至将大便拉出来之后就逃之夭夭。但这些「手尾」对其他动物来说却是宝贝，剩下嘅叶子系甲虫的食粮，破烂嘅蜘蛛网就可以系雀鸟筑巢时嘅好工具，被摧毁嘅雀巢就会变成地上昆虫嘅晚餐，亦形成大自然生态系统的循环。

展场分为6大展区，包括「动物BB限定！」、「大便太厉害！」、「穿不下的衣服到处丢」、「谁的脚印？」、「四处都是吃剩的食物」及「将军澳的『动物邻居』」，让大人、小朋友透过认识唔同动物留低嘅痕迹，对动物们有更多嘅了解。

另外，展览就度身订造了将军澳生态探索路线，揭开藏身于将军澳嘅「动物世界」，带大家探访将军澳嘅「动物邻居」。将军澳广场设计咗将军澳动物生态地图，将15种在周边居住嘅动物一一列出，当你以为听到狗吠声，有可能系沼蛙叫；当以为看到迷你哥斯拉，有可能系遇到变色树蜥；经过鸭仔山，发现青色嘅甲虫，佢其实名叫松丽叩甲。仲有三斑阳鼻蟌、弧边招潮蟹、岩鹭、星天牛及斜斑彩灰蝶等林林总总嘅「动物邻居」，只要到赴郊外，就会发现佢哋嘅踪迹，实行将喺商场睇展览延伸至社区。

作者：Laurie Wu（爱保健爱旅游爱购物的熟女）
[email protected]