乐●活｜「放电」去边好？

朋友话每个星期要谂节目畀小朋友「放电」好伤脑筋，Laurie即刻介绍咗几个活动畀佢参考。

带小朋友去戏院相信系炎炎夏日好选择，第6届香港儿童国际电影节（KIFF）将于8月6、7、13及14日在高先电影院及PREMIERE ELEMENTS戏院举行，而门票已经喺高先电影院（按此）及PREMIERE ELEMENTS（按此）票房7月22日起公开发售。

今年的开幕电影系加拿大/法国动画《烈火少女》，广东话版本邀得森美、梁雍婷和岑珈其声演；闭幕电影就系香港作品《留声》，由欣欣执导，黄梓乐、陈宇琛、蒋祖曼、鲍起静及罗莃荋主演，电影荣获2022年法国康城世界影展的最佳家庭/儿童电影、最佳年轻男演员及最佳长片女导演奖；2022年美国加州KIDS家庭电影节最佳亚洲电影等多个奖项。另外两部电影还有荣获2022年德国电影奖颁发观众大奖的德国/奥地利电影《魔法动物学院》，以及荣获2020年法国安锡国际动画影展、2021年法国凯萨奖及2021年法国卢米埃奖三项最佳动画提名的法国/比利时动画《小小吸血鬼》。

除咗睇戏之外，KIFF仲安排咗「电影院小职员」工作坊畀小朋友参加，喺专人指导下小朋友会有1个钟头时间喺戏院入面担当不同岗位，更有机会深入「戏院重地」，当中包括带位初体验及放映室直击。（官网报名）

热焫焫嘅夏天，想玩又唔想热的话，其中一个好选择当然系去溜冰！与过去一样又一城欢天雪地溜冰学校都会举办欢天雪地夏令营（按此），喺溜冰场上既可消暑之馀，又可培养对溜冰嘅兴趣。溜冰不但能够增强平衡感、四肢协调能力及身体嘅柔韧性，还可提升心肺功能及运动能力，喺学习溜冰嘅过程更可训练耐性。

夏令营为3至16岁的溜冰初学者度身订造嘅暑期溜冰计划课程，每班4人或以上，由专业敎练教授溜冰嘅基本技巧、平衡、正确跌倒及起立方法、原地踏步及向前踏步等，可以喺安全又轻松的环境下打好溜冰嘅基础，完成夏令营课程后，可获颁授花式溜冰课程证书，充实小朋友嘅课外活动履历。

最近睇Youtube大家都可能会睇过LEGO夥李元元Lucy首本沐浴名曲DUPLO Bath Song，Lucy以纯真笑容加上搞笑基因、独特奶音加上招牌叫喊式唱法唱出「Rinse, Soap, Let me try」真系好洗脑歌，仲好治愈。LEGO更由即日起至8月7日喺PMQ打造首个以DUPLO Summer Time Festival，见到由五彩缤纷DUPLO颗粒拼砌而成嘅DUPLO泡泡沐浴世界及DUPLO野生动物历险，小朋友一定好开心。

其中泡泡沐浴世界内有小鸭、小白熊和小河马见面，小朋友更可化身红鹳及狮子扮演一日DUPLO小动物，场内更有大型泡泡乐园最啱放电。DUPLO颗粒中发挥其天马行空嘅想像力，会场设即拼砌区及泡泡制作室，畀小朋友们可以从玩乐嘅气氛学习。小朋友们可以喺经典嘅滑梯一尝超爽刺激滋味，创出自己与野生动物嘅历险故事；又可以喺世界地图前利用每双小手拼砌嘅过程中，衍生对身边事物及世界嘅好奇心和认知，尽情探索。LEGO更准备多款独家别注版礼品供参与嘅粉丝换领，玩乐过后将LEGO DUPLO带返屋企。

男团、女团大热，有无谂过仔女可以成为人气BB团嘅团员之一呢？美赞臣A+智睿系列正举办「A+B团」招募活动，由A+星级经理人肥仔（梁业）带领、A+制作人Gareth.T（汤令山）护航，选出具有不同特质嘅精灵宝宝组成美赞臣「A+B团」，获选宝宝嘅参赛片段将会在「A+B团」团歌MV中亮相，于网上多个平台播出，更有机会于大型户外广告上「粉墨登场」。

有兴趣参加嘅父母可透过美赞臣全新推出嘅Instagram滤镜（按此），让年龄介乎6个月至12岁嘅小朋友跟随肥仔嘅舞步一同演绎由Gareth.T亲自制作嘅「A+B团」团歌尽情发挥、表现自我。即日起至8月12日期间以「A＋B团」Instagram滤镜拍摄小朋友跳舞片段，储存表演片段，并上传至报名连结（按此）参加招募。

作者：Laurie Wu（爱保健爱旅游爱购物的熟女）

[email protected]