乐●活｜Chill住叹美食

#TGIF话咁快又到咗星期五！好多人都锺意趁星期五约朋友去食饭倾下偈，想发掘新餐厅试吓新嘢的话，Laurie有好介绍。

地中海菜、加上坐落坚尼地城海旁，够晒Chill。新开张嘅Breeze Bistro主打正宗地道来自地中海周边嘅美馔佳酿。唔单止嘢食家派人，餐厅带唯美蓝白主调嘅设计，如果喺阳光明媚嘅日子更会将两边趟门拉开，让带同宠物前来嘅食客可以坐近靠门边开扬位置，与毛孩一齐叹住Chill。餐厅其中一边为开放式酒吧区，设有高脚椅并提供多款特色酒精饮品及佐酒小食，最啱同朋友、同事把酒言欢。

Breeze Bistro嘅主厨Chris Gill曾先后喺多间法国高级料理餐厅及地道餐馆任职，并将多年来的烹饪经验带到餐厅，设计出色彩丰沛且别具特色嘅地中海风味餐目，由前菜、主菜、配菜及佐酒小食，以配搭各款红、白酒及手工鸡尾酒。此外，主厨及其厨师团队亦会根据当日时令食材准备及制作多款是日精选菜式，包括新鲜生蚝、香烤牛舌配牛骨髓、野菌牛肉意大利云吞、冷天使面伴黑松露及昆布、南瓜意大利烩饭佐芦笋等。

除咗嘢食，餐厅嘅酒单相当丰富，由手工鸡尾酒、啤酒、烈酒，以至各款红、白酒等应有尽有 ，锺意尝新的话可一试餐厅嘅特色鸡尾酒或无酒精鸡尾酒，好似Twilight Collins、Ocean Breeze等，仲有经典特调酒如Sour Plum Negroni、Old Fashioning等，仲可以配以佐酒小食如脆炸小鲱鱼、炸帕德龙辣椒及巴马臣芝士炸意大利青瓜条等。Breeze Bistro同时推出Golden Hour优惠，凡于星期一至日下午5时至晚上7时期间惠顾，即可以优惠价$50品尝精选鸡尾酒；或于同一时段享有原枝红、白酒的买一送一优惠。

另一间好适合约埋朋友一齐去嘅餐厅就系位于中环H Code26楼连天台嘅CARBON酒吧餐厅，以简约水泥工业风设计，主打从农场到餐桌理念的fusion菜式，仲有现场乐队DJ表演。

最近餐厅换咗新Menu，带来CARBON SUMMER FEAST清新夏日盛宴，包括新鲜清凉嘅夏日海鲜汇演、日本M6谷饲和牛里脊、安格斯斧头扒，仲有龙虾芝士通心粉。CARBON仲会喺7、8月推出仲夏优惠，包括环球特选牛扒星期四（环球特选牛扒配以无限供应的鲜味松露薯条及龙虾芝士通粉，加上CARBON联同著名的Cookie DPT制作出充满罪恶感的曲奇新地作甜品）、西班牙狂热星期二（西班牙水果红白酒每渣$498或每杯$118；水烟半价优惠，另有重量级香槟买一送一优惠）、All Day Happy Hour夏日Happy Hour（每日中午12时至晚上7时供应，逢星期三全日供应，可以优惠价$58享用指定烈酒、啤酒、红白酒及特调鸡尾酒）。

另外，仲有Tasting Menu美馔套餐：午膳之选（三道菜式）以及丰盛晚宴（四道菜式），推广期由即日至8月31日。

最近Smile Yogurt就同护肤品牌KORRES更与Smile Yogurt推出希腊乳酪美肌杯，更于沙田新开嘅全新概念店Smile Froyo & Cake举行希腊主题限定体验，大家除咗可以食到希腊乳酪美肌杯，更有机会体验KORRES希腊乳酪护肤产品系列升级版。今次嘅希腊夏日美肌乳酪杯系升级版，以希腊乳酪雪糕配上天然蝶豆花果冻并凑成蓝白主调，营造希腊小岛风情，再加上Smile自家制脆粒宛如粒粒金黄细沙，菠萝乾片就系太阳，真有由蓝白朱古力片所组成的海洋，呈现希腊阳光与海滩嘅感觉，仲有啖啖新鲜芒果，以及贝壳棉花糖，冰凉透心又有丝丝甜蜜。

呢款期间限定嘅乳酪只供应至9月30日，并只于沙田店、铜锣湾希慎广场店及尖沙咀K11 Art店提供。喺优惠期内，购买希腊夏日美肌乳酪杯，即送价值高达$300嘅 KORRES乳酪益菌系列产品，包括洁面乳、即效舒缓面膜、滋养保湿面霜及即效舒缓精华。另外，凡于KORRES购买乳酪系列产品满$500，就会送Smile Yogurt希腊夏日美肌乳酪杯及KORRES试用装。

作者：Laurie Wu（爱保健爱旅游爱购物的熟女）
[email protected]