乐●活｜预购迪士尼朋家品

继之前联乘Sanrio推出大口仔、AP鸭等精品，7仔预购听日（20日）会新推出一系列迪士尼朋友仔做主角嘅家品，及香港限定的CASABLANCA罐头猪LuLu床上用品。

新一期嘅7仔预购迪士尼家品，有劳苏、三眼仔、钢牙、大鼻及唐老鸭坐垫，坐垫约40X12 cm，既可作地上或椅上坐垫，又可叠起摆放。另外，仲有用PU物料、防水易洁，适合放于浴室或厨房嘅防水地垫，有劳苏（46 x 50 cm）、大鼻（49 x 49 cm）、三眼仔（46 x 58 cm）及唐老鸭（55 x 43 cm）。同期，仲有三眼仔纳米蒸气熨斗、三眼仔纤薄智能吸尘机、InfoThink灯光音乐蓝牙喇叭，有小熊维尼、三眼仔、史迪仔及劳苏，话咁易就可以布置成迪士尼主题嘅家居。

另外，仲有三眼仔、唐老鸭及劳苏摺合餐台，以铝合金制成，开关容易，可以用于户外野餐或家用小摺台，仲可以配埋速开帐篷及便携式沙滩垫（备三眼仔、劳苏给史迪仔）啱晒夏天去郊游或者去沙滩玩。

外出购物，不想一袋二袋，一架轻便大容量又美观的购物车缺不可少，迪士尼摺叠式购物车色彩鲜明，印有不同角色的顶盖十分吸睛，容量有55升，净重3.3公斤，可负重约30公斤，4轮万向孖辘，车身用上可清洗及使用PP不易碎物料，坚固耐用，一样有三眼仔、史迪仔摺叠式购物车及劳苏可以拣。

至于罐头猪LuLu嘅Fans就唔可以错过CASABLANCA轻柔冷气被 (单人，60” x 89”）及纯棉印花系列床笠连枕袋（单人，36'×75'+19'x29")、银离子抗菌纯棉印花系列床笠连枕袋（单人，36"×75'+19'x29")、纯棉印花枕袋(19” x 29”)及咕????(18” x 18”)，一次过买齐就可以将睡房变成罐头猪LuLu主题。

作者：Laurie Wu（爱保健爱旅游爱购物的熟女）

 

[email protected]