港妈抱婴坐巴士霸两连座被批！ 被要求让座却「当听唔到」 网民反应两极：自私VS体谅
2024-10-30 00:00 
又有巴士让座争议！近日，有网民在社交平台上发文，批评有港妈在放工时间抱婴儿乘搭巴士时用袋霸占邻座，更在别人要求让座时假装听不到，直言该港妈行为十分「自私」。帖子引起网民热议，惟网友们反应两极，有人认为港妈行为不当，「自私，俾人坐㗎，唔系俾佢摆嘢」；亦有人认为要体谅港妈，「佢抱住个小朋友你想佢点攞住啲嘢？好无人情味」。
港妈用袋霸位被批自私 要求让座却当听唔到
近日，有网民在Facebook群组「青衣街坊吹水会」中发文，批评有港妈在放工时间抱婴坐巴士霸占两连座。从楼主上传的照片中可见，港妈手抱著小朋友坐在巴士下层靠窗的位置，并将一个白色胶袋及红白间条环保袋放在旁边的座位上，导致其他人不能坐下。
楼主发文表示，当有人要求该港妈让座时，她竟「拧歪面」并假装听不到，「个姐姐讲唔该，佢拧歪块面当听唔到」。楼主批评该港妈行为十分自私，「放工时间咁多人上车，啲人可以自私到咁」。
网民反应两极：行为自私VS应该体谅
帖子引起网民热议，网友们反应两极，有网民认为港妈行为自私，「如果佢俾钱买2嗰位嘅飞，我话之佢打横瞓喺度喇！但如果佢只系俾1嗰位嘅钱，咁佢凭咩霸2嗰位？」、「而家重点系个阿妈扮聋粒声唔出，我相信如果当时个阿妈礼貌讲声唔好意思，好多人都会肯迁就」、「系麻烦少少，不过都唔可以咁自私，将自己嘅痛苦建立喺人哋身上」、「大声同佢讲声唔该，照坐落去，櫈上嘅物品放地下」。
也有网民认为要体谅港妈，「佢抱住个小朋友你想佢点攞住啲嘢？好无人情味」、「咁人哋本身就2个人用2个位」、「大人大姐，人哋凑紧b，就咪搞人啦」、「其实佢真系无咁多只手喎，如果系我都废事夹硬要坐落去，呢个情况忍让一下无妨」、「其实将心比心，佢都好想小朋友自己坐，你估个仔瞓咗要抱住唔攰㗎，仲要拎咁多嘢。体谅下啦...当你都有呢个年纪嘅小朋友就会明！」。
图片及资料来源：Facebook@青衣街坊吹水会、Facebook@KMB 九巴专页
文：Y
延伸阅读：中环街头少女打卡酿骂战 糖水档老板娘当众爆粗追住闹 网友力撑事主：公众地方唔可以影相？
----------------------------
最新回应