李辰安 - 爷孙恋｜辰来之笔

台湾66岁音乐人李坤城和26岁妻子林靖恩多年前公开恋情，最近男方已经去咗第二度，人生好化学，小心！

台湾66岁音乐人李坤城和26岁妻子林靖恩。

台湾66岁音乐人李坤城和26岁妻子林靖恩。

台湾音乐人李坤城已离世。

台湾音乐人李坤城和妻子林靖恩。

台湾音乐人李坤城已离世。

日本老人家谈恋爱已经产业化，好多伯爷公、老婆婆想搵个伴。

医学进步，老人寿命愈来愈长。

医学进步，老人寿命愈来愈长。

老年夫妇生活也可以很开心。

奥斯卡得奖名片《金池塘》

大清都兴呢种爱情游戏

我对爷孙恋无乜意见，大清皇朝好多名人和大官都系兴呢种爱情游戏，之不过，读中史时无人讲呢一笔，后来睇内地电视剧先知道，17岁配71岁已经好正常。好耐无去饮茶，老板又去咗大湾区，听讲去咗中山，事关明年深圳同中山条跨海桥通车，可能带旺中山呢一边。「不过，返内地搞饮食好大竞争力，除非你好有计，否则都难冲出重围。」

张翁回顾二十几三十年前嘅深圳，当地最旺系按摩同打边炉，未有耐出现高科技行业。「唔知边班人咁勇，喺深圳打出一个重庆火锅市场，搞到成行成市。」我都有印象，最难顶系状元红火锅，汤底之上是一层厚厚之辣椒油，一个唔觉意，你会吸入成口红油，直入气管之后，马上发生强烈之化学作用，我曾经咳到唔识出声，成餐饭坐喺度无反应。

「安仔，你都九唔搭八，见到成层辣椒油仲要搏命滚，你知我哋广东人唔食得辣。」银行伟话有冬瓜盅上市，不如清清地，唔好又话食辣椒油咁搞鬼啦。「一于咁话，讲下讲下又到夏天，不如整多一个荷叶饭。」其实讲开爷孙恋，真系好似食重庆火锅一样，身体搞得掂，你可以乐在其中，不知几咁享受，如果学似我一样咁水土不服，产生强烈化学作用，咁就好难搞。「当日我就气喘如牛，成个面红晒。」大家听到偷偷地笑。
 

两老结婚日日游山玩水

今日天气未系好热，心情都几好，讲开男人经，众人更加精神，大师兄同大家分亨一个内地热门烂Gag。「内地男女依家再唔似十几二十年前，20岁就拍拖，21岁结婚，22岁生仔，好多城市男女年过四十都无打算结婚，于是有一个笑话讽刺呢个时尚。」张翁话，咪讲住先，不如叫多几款点心先，反正大家好胃口。

你知内地人话，男女最适宜结婚系乜嘢年龄？「原来男人60岁同女人55岁系绝配。」吓，加埋百几岁，咁行婚礼当日嘅花仔、花女有几大？30岁起码？「安仔，你都多馀，两老行婚礼使乜花仔花女。」银行伟话，应该搵花佬、花婆。男女最好系退休年龄附近结婚，事关一结婚就差唔多唔使做，大家有退休金，日日可以行山跑步，同时大家都唔使为生BB烦恼。「仲有，两个老人家结婚，好大机会无婆媳关系纠缠，男人又唔怕外父、外母多要求，呢个时期先至系真正嘅『金童玉女』，几Free、几High呀！」

之前都讲过，日本老人家谈恋爱已经产业化，好多伯爷公、老婆婆想搵个伴，老人家相睇成为风气，现代媒人生意吃香。「不过，我讲爷孙恋，点解大家兜咗去隔篱讲老人结婚。」张翁回忆几十年前有一部奥斯卡得奖名片《金池塘》，男一系亨利方达，女主系嘉芙莲协宾，女配角系珍方达，即系亨利方达个女，真系好经典。「张翁，我无睇过呢部戏，讲乜㗎？」简单讲，系一段好复杂之老年夫妇同女儿的家庭关系，同老年人谈恋爱无关，但系好细腻捕捉两个年届80岁的夫妇心境。

老人家亦有内心世界，你可以好似亨利方达咁平静，亦可以追求爷孙恋，或者浪漫黄昏恋，不过，正如香港名人话斋，乜都系假，最紧要量力而为。「安仔，食冬瓜啦！可以清心火。」哦，你都食多碗荷叶饭，补补身，你知我想讲乜啦！

 

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ