李辰安 - 中学生你至叻｜辰来之笔

大学生搵钱差过中学生，咁又点呢？唔锺意唔好读罗。睇见依家啲后生仔心态，已经对四方帽无晒感觉。

 

中学生升学或就业机会较以前多。

中学生通过网上学习。

中学生升学或就业机会较以前多。

每年有不少大学生加入劳动市场。

大学生毕业后，到就业展览会寻找工作机会。

香港基建蓬勃，建筑界求才若渴。

扎铁是高收入工种。

近年内地开办不少技术学校。

盖兹系商业奇才，12岁已利用学校电脑，写软件赚钱。

苹果「教主」乔布斯。

盖兹、乔布斯无戴四方帽

 

大家又在黄昏酒聚，大师兄话大学沙纸唔值钱，已经系好 多年之现象，靠读大学提升社会地位，你咪癫啦，唔畀人笑都已经好啦。「系噃，软件大王盖兹同苹果教主乔布斯都无戴四方帽，于是好多人话，叻仔唔好读大学，留啲学位畀无咁叻仔人士，先至系对社会贡献。」

盖兹系商业奇才，12岁已经利用学校有电脑之便，帮学校写软件赚钱，又同家长合作，佢做老板，收入相当唔错，所以呢位奇才不但无心机读大学，连工都唔想打。张翁今日饮威士忌，大家都陪下佢，坐低慢慢讲、慢慢叹，享受真正人生。

「你两师兄弟点解去乡下大学嘥四年时间搵个学位？」系罗，香港有两位特首都唔系大学生，比例相当高，我同大师兄当年入大学好简单，大家都因为当年大学学费平。「安仔，学费几千蚊一年，同读私立高中差唔多，仲有政府免息贷款，又有好多奖学金、助学金，你话去边度搵？」

银行伟话佢有位老同事系本港大学生，佢读大学之理由更加奇妙。「点解读大学？你知啦，如果几十年前要入一个有大小泳池、十几个网球场，又有室内篮球场加羽毛球场等等之私人会所，入会费要二十万元起表，所以大学取录佢，就开心到几晚瞓唔着。」

我同张翁摸住酒杯底讲︰「毕业之后可以申请校友证，好多设施都可以用，系咪正先。」我仲想讲，几十年前读大学，有咗一个大学生身分，去Party识女仔都容易好多，「至少比中学生略有优势。」张翁话，上世纪六十年代做大学生好比地位升级，「事关当年大学只有一家，你毕业出嚟不难考到政 府工，即系变咗阿Sir。」就算唔做官，教书都唔差，张翁有个Friend教而优当官，即系转去教育局做，升咗两、三级咁上下，退休之后有优厚长俸，仔女全部英国大学读书，「最夸张系佢识投资买楼，依家南区同半山都有楼。」 　

 

　
近年基建蓬勃 求才若渴

 

好啦，读大学有好有唔好，睇你系乜嘢材料，不过，时隔几个十年，大学学位愈来愈多，所以竞争好激烈，读完大学可能搵得一万二、三千，如果你肯接受职业训练做技术工人，或者更进取当建筑工人，大学生一季收入，可能都唔及你一个月。

「我记得十几廿年前，香港基建蓬勃，建筑界求才若渴，于是当局拍条宣传片，由一名阳光青年扮地盘工人，佢收工之后冲乾净凉，成个型男咁款，镜头一转就拖住娇俏可人之女生出街，型男转个头同大家讲，佢份工仲好高薪酬。」对，当年已有社会信息传递，大学生再唔系唯一天之骄子，你学扎铁真系高收入工种。张翁补充︰「我中学有位同学，虽然大家都系名校毕业生，佢不但无读大学，更加无考虑留学，直接去学搭棚。」原来这位朋友屋企系做建筑工程，五十几年前，搭棚日薪一百元，开二十日工，人工都高过做官。

讲到读书，其实都几落后，因为互联网时代，学生上网搵料可以快过老师，如果唔系因为搞科学技术，日日入实验室操练，你去读博士都几费时失事，内地已经有人提出不如多办技术学校好过。「安仔，唔好讲咁多，博士唔系衔头，有时间你写下网络小说好过，系呢，近排有乜题材？」讲呢啲，饮杯啦。

 

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ