【维港会】港妈落机五分钟未见BB车踪影 狂闹地勤：我坐商务舱架

大部分从事服务业员工都怕遇着野蛮恶客！有地勤人员近日在网上分享遇到「怪兽港妈」遭遇，指港妈落机仅约5分钟已大吵大闹，称「等咗好耐架BB车都未出嚟，我坐商务舱架」，并强调已挂上「优先标签」，要求对方催足同僚和跟进。当地勤人员解释其同事已在处理，港妈仍不满，并扬言要投诉对方及有关同事。BB车最后是由与港妈同行，坐在经济客舱的工人推出。不少网民都批评港妈态度，「通常好强调自己乜class嘅人至无class」。

该名自称「地勤小薯」的网民在facebook群组「西客之道 Hispitality Secret」投稿，指上月26日在登机桥外处理的一班航班上，「有十几部BB车要人手load上嚟，真系辛苦晒机底同事」。但当时一名港妈落机后向他声称，已等了一会，仍未见同行者推BB车前来，「我等咗好耐架BB车都未出嚟，我坐商务舱架！我未试过咁耐都未拎到BB车罗！你睇！连机师都出埋嚟啦BB车仲未到！」但投稿人指，当时港妈只等了大约5分钟。

该地勤向港妈解释，无论是商务舱或经济舱，寄舱的BB车都没有分别，都是同一时间由人手拿上来。但港妈仍坚持自己应获优待：「我嗰架有priority tag（优先标签）架！」地勤续解释：「都无分别架。同埋可能全部同一时间摆晒出嚟，你同行者都需要时间整理再推出嚟，或者你坐低等下啦。」

再过一分钟，港妈愈来愈不耐烦，着地勤跟进，「催下架BB车呀！有乜理由咁耐呀！」地勤则称其同事已到机舱跟进，但港妈仍十分不满：「我成日都搭你哋，我未试过等架车等咁耐架！你企系度乜都唔使做架？！」当地勤再表示同事已跟进，并称「我呢度无嘢帮到你」后，港妈更谓：「我一定会投诉！仲要投诉你！畀你个名我！」

港妈又拍下该地勤的名牌和容貌。此时，该地勤的同事与最后一名客人推着BB车步出，该客人正是港妈的同行工人。地勤表示，该工人坐经济舱，而且是「自己手脚慢最后先出」。地勤对工人深表同情，并表示想向港妈说，「其实BB车出嚟的速度时快时慢，10分钟清晒客同10几部BB车已经叫超快，但你呢d怪兽港妈系都要系个仔女面前冲出嚟X。就算畀你好快拎到BB车出去，你以为你件行李已经喺行李带等紧你？以嗰个落机速度我谂连头等行李都未辘到出去呀。到时你系咪又去询问处闹点解你坐business，但件行李仲未出呀？」又反问：「你话你搭飞机多定我接机多？」

帖文掀起网民热议，不少人认为港妈态度野蛮，「坐咩class都好，同『品』无关系，本身个人系X就X，唔等得坐私人飞机啦」、「自己坐商务工人坐经济」、「咁有本事买架可以摺到好细嘅BB车拿上机，或者坐私人飞机」、「咪以为香港人好有品，好有水平」、「呢啲港妈好乞人憎」。另有网民反讽，「个老母话自己成日坐就催人快啲，咁香港人日日坐地铁可唔可催司机快啲？」