认真炮制MV唔认恶搞祖儿 张敬轩：系致敬吖

张敬轩化身「火龙果」恶搞容祖儿红馆个唱海报后，已预告昨晚「轩公出片」，就连嗌要报警捉青山走犯的祖儿都帮他推出片，原来这个恶搞不惜公本，租影楼出动梳化服和舞者拍摄团队，将祖儿的《Pretty Crazy》变《Pretty Hungry》炮制成「张敬轩有咩问题？恶搞容祖儿 Pretty Crazy MV」，制作认真。
轩仔出片后于instagram（ig）留言：「#以下片段可能会令观众不安 #lowcostcosplay2019扰乱乐坛新气象 #冤枉娱乐年度露点推介 #亚热带丑到喊混血乐坛新人 #火龙果 #首支跳唱mv 与乐坛天后 #容祖儿 分庭抗礼 远赴日本 #城 拍摄 #prettyhungry 现已上线 #谐星之路一去不复返 #prettycrazy容祖儿演唱会 #5月9号齐齐抢飞」。
MV推出后经过一夜，网民反应热烈，轩仔于ig上载与祖儿版本对比的片段，无论造型和表情都笑爆网民。他留言：「今朝一早，阿 #年度亚热带混血新人 #火龙果 打俾我，话佢啱啱加入娱乐圈就压力爆煲 #要开始安排退休嘅事宜 #啲传媒同公众嘅压力令佢紧张到有 #神经病 #佢依家觉得自己 #prettycrazy #佢话喎 你哋一个二个话佢恶搞，佢话佢喱啲系致敬吖 #佢话罗 🙄 #唉我咩都唔知吖我你哋自己睇下喇唉」；祖儿回应：「何方妖孽，唔好再搅我好朋友，我轩仔以前好乖巧㗎，唔知点解而家搅成咁，唔好讲咁多啦，一于攞筷子嚟夹佢啲手指，烧啲符水佢饮吧啦🤪」。
意想不到，很多网民对轩仔戴假发女装扮相赞口不绝，「呢个发型好睇过你原本」、「其实，有啲角度，都，几靓女，吖。」、「张生，原来你膊头对上系几靓女架wor！！呢个发型显得你仲靓！！」、「我竟然觉得佢有啲靓 我系咪癫咗」，就连蔡卓妍（阿Sa）都在轩仔发文下留言：「🤣🤣🤣🤣丑到喊咩？点解我觉得有啲靓？？🤣🤣🤣🤣」。