霆锋分享拍戏辛酸事：危险动作戏系菲林时代逼出嚟

在谢霆锋的节目《锋味前奏》第10集中，霆锋、刘翁及火火3人继续食住墨西哥脆片吹水，霆锋又分享自己拍电影嘅辛酸事。佢讲到以往仲系用紧菲林拍摄嘅年代，拍电影嘅压力好大，「陈木胜导演同我讲，菲林每一格值$2.5，所以好多变态危险动作戏，即系撞巴士、会展碌落嚟呀，都系菲林时代逼出嚟。」

佢话，虽然有时都会唔想做呢啲高危动作，「拍动作片起码都要150格，你明明见到40级楼梯，导演叫你冲落去，虽然我全身都戴住pad（防护垫）啫，但其实系唔想咁做㗎嘛，但永远就系嗌roll机，有我时都会唔客气咁话：『导演，唔好意思，等等。』但一咁样cut又唔知要嘥几廿蚊。跟住武指又开始嚟啦，『好，霆锋得唔得？』」摄制队伍又嗌「Sound speed, Cam roll」，但如果都未准备好嘅话，就会被大闹，「你跳唔跳啊？啲菲林好贵㗎！」所以佢唯有焗住做。

另外，火火又问霆锋，有无谂过去拍一部属于自己嘅电影，霆锋直言有谂过，「但唔可以急，唔同嘅阶段有谂过唔同故仔。」