【维港会】悭27年旅费到50岁可储230万？网民控诉：首期都俾唔起

望楼兴叹？本港楼价长年高企，有网民在网上「连登」讨论区发文，指23年轻人放弃去旅行，每年储起4万元旅费作保守投资，27年后50岁时可拥有230万元。看似呼吁年轻人少奢侈旅行多储钱，但发文者在文末华丽转身，控诉：「50岁先得230万，首期都俾唔起，年年去5次旅行使X晒佢算！」。

有网民就指，时下的年青人不少每年去4至5次旅行，「单单去次日本，所有野全包连手信，洗费已经要1万蚊」，保守计每年起码花4万元在旅行方面，未计算平时其他不必要洗费，例如「买贵衫、tailor made 西装、人工制皮带、皮鞋、睇黄子华talk show、买新note book / pc、课金玩手游、追新Iphone 」。

网民问，「有冇谂过你省咗呢笔洗费会点？保守咁计，当你ugrad后23岁每年省4万旅行洗费，拎个本去做保守投资，目标5厘，50岁生日就有230万出现系你户口」。不过网民文末才一改风向「50岁先得230万，首期都俾唔起 ，年年去5次旅行洗X晒佢算」。

讲法随即引起大批网民争论纷纷，有网民认同， 「反正都买唔起楼，我宁愿用啲钱去见识下个世界」、「一年去5次旅行，起码不枉此生」。有人指「其实唔好生仔就得、唔生仔唔买楼啲钱多到洗唔哂」。

另有网民讽刺「香港人平均而家120岁命，50岁都系啱啱开始踏入社会无耐，储到成200几万仲想点啊！」，也有网民劝不要过分偏激、完全不储钱，「储返少少应急钱咁要嘅」。