【安心出轨】梁裕恒不忿被指抽水反爆料：有人想夹女艺人上房

于「安心出轨」事件上力撑黄心颖是受害人的落选港男梁裕恒（Flow），疑受压力下日前删除有关发文及片段，当大家以为随著心颖避走美国、郑秀文在原谅老公许志安出轨后，再发文谓已从黑暗稍见天晴，回归正常生活、不想浪费时光，及不会再说这事后，事件终于暂告一段落，但Flow今日又再在社交平台，上载遭网民狠批留言，称：「最后一次提及《安心事件》」，他澄清：「删除post既（嘅）原因是因为我知道的 要说的都已经说完 对我来说已经告一段落 再讲就长气 老套 事实证明装睡的人是叫不醒的」、「我一直既（嘅）观点只有几个：1.她是有错 2.在被男方欺骗那一点上 她也是受害人 3.四个人既（嘅）关系并唔系大家所知咁简单 4.同样事情娱乐圈或社会上不断发生 唔洗（使）咁样至（置）人于死地」。
除了自辩没盲撑、揭现今娱乐圈虚假形象一面，Flow亦撑：「我认为裕美既（嘅）回应 大方又中肯 但都要比（俾）所谓既（嘅）网民闹 她几个家姐完全唔关事 都比（俾）人留言洗版 有个人讲得好岩 系呢件事上唔踩多佢一脚就已经系敌人 讲番句公道小小既（嘅）说话已经要被攻击 其中一个原因是 人是不愿意接受自己一直相信既（嘅）事系假的 错的 我一直无意挑衅所谓既（嘅）网民 错在我不知道香港是无言论自由的」。
Flow说网民留言反映他们的层次，「我一句都懒得回应 对我来说不痛不痕（痒）」，并叫大家反省网络欺凌问题 曾经有人因为网络欺凌而轻生 很可惜」。不过最爆是反驳被指借事件抽水，爆料说：「今日又有另一条契弟出离话我抽水 我需要抽水？我需要搏出位？呢条契弟系娱圈圈坏事做尽 曾经想夹一个女艺人上房 最后倾唔掂数 对人讲左（咗）句『你以后无运行』自己周身屎既（嘅）人 做咩要提及我d（啲）小人物 抽我水呢 人人都想抽水 但水并唔系咁抽」、「发生这事后有三个传媒想约我出来做专访 我都推了 如果想出位 怎会推辞 我在网上一直有评论政治 社会问题 好多朋友提醒我做呢行 唔好讲政治啦 但我性格就系咁 唔岩（啱）就要出声 搏咩出位ja（啫） 我根本唔洗（使）靠呢行搵食 对我来说 简简单单够食够住 做人对得住自己良心就可以」。