【维港会】谭仔三哥转新Logo 网民笑言「走辣变二哥」

日本乌冬连锁店「丸龟制面」去年先后收购谭仔及谭仔三哥（下称三哥），一直都「无咩变动」。但今日，谭仔三哥率先喺FB公布要转全新品牌Logo！新标识贯彻以三哥做「唛头」，但弃用彩色画风，改为用黑白朴实风格，有网民表示，新Logo「黑白红主色，有丸龟味」，但亦有网民笑指「三哥而家要戴老花镜」、「黑白色太抢，走辣变二哥」。

谭仔三哥今日在社交网页Facebook发帖，指今日正式同沿用十几年嘅旧Logo告别，以全新形象同大家会面！专页表示，「新Logo以崭新简约设计融合旧有元素，除咗标志性嘅辣椒之外，同时保留品牌灵魂人物三哥，包括佢嘅粗框眼镜同埋诚恳笑容，令品牌焕然一新之馀，亦不失亲切感。三哥更双手捧上米线以表达对食物品质嘅执著，更代表三哥希望将香、麻、辛、辣嘅味觉享受带到世界各地嘅决心！」更落hastag#认住黑色碗先系三哥。

有网民表示新Logo「有丸龟味」、「较顺眼」、「有时尚感」。但亦有网民笑指新Logo「黑白色太抢，走辣变咗二哥」；亦有网民指「好明显系换左个日本仔」。