【安心出轨】疑似声带流出 陈炜否认爆心颖同王浩信有景轰

黄心颖在车厢猴擒人夫许志安片段曝光后，事件震惊整个娱乐圈。随后网上流传一段被指是陈炜的语音讯息，内容谓：「嗰时我同万绮雯返大陆做嘢，拍紧唔记得咩名…呀《东坡家事》，佢（心颖）同王浩信拖手啦，成日黐埋佢度，肯定有景轰啦！跟住有次去宣传，佢同万绮雯讲，啱啱先去兰桂芳饮完酒嚟，嗰阵时开始我都知佢肯定系啲Wet妹玩玩下嗰啲嚟，佢同马明我都觉得唔慌耐，肯定系贪马明傻吓傻吓咁啦！」
陈炜就事件以语音回应谓：「都知呢件事，咁你认识我都知我把声我嘅语气各样都系咁㗎啦，所以我谂我都唔需要解释，成件事系假嘅，条声系假嘅。」
王浩信则以语音回应，称：「咁我谂嗰位同事系误会咗，因为我同心颖喺个套戏入面饰演夫妻，佢见我繑住佢只手时，应该系我哋拍紧嘢或者系排紧嘢时候，喺戏外我哋绝冇咁嘅情况发生。」