【安心出轨】许志安记招点交代？网民开盘疯传虚拟新闻稿

离许志安举行记者会交代被爆背郑秀文（Sammi）偷食黄心颖事件尚有1小时，大批记者已到酒店现场守候。
对于许志安如何解画，网上流出开盘讨论，包括「 许郑分居1赔1.1」、「许郑离婚1赔1.3」、「马黄分手1赔1.1」、「无事发生1赔80」、「许黄永结同心1赔80」、「许搵韩红告解再翻食1赔5」、「蔡一智同杜德伟出嚟顶1赔99」、「马许换妻成功1赔9999」。事件牵涉韩红，因为当年安仔曾被传媒拍得跟韩红当街激咀传绯闻；蔡一智则因为被指跟黄心颖撞样；杜德伟是安仔曾在球场被误认「杜先生」。
另外，又有网民虚拟安仔记者会的新闻稿并于网上疯传：「对唔住，虽然我哋系饮醉咗酒，但系我承认我喺醉酒之下嘅行为的而且确系伤害到我最爱嘅太太，虽然嗰日我哋两个都太醉所以做出有少少不理智行为，但系我哋都愿意承担所有责任。希望喺未来嘅日子，我会尽力去弥补，希望我最爱嘅太太原谅我呢一次一时酒醉嘅错误。而因为呢件事我会冇限期退出娱乐圈，以后有关一方面嘅嘢我唔会再回应亦都衷心祝福马国明黄心颖幸福。而我同我太太嘅关系亦都唔会回应因为呢个系我哋两个之间嘅事。」