被老公扮贼抢手袋兼瞓觉淋水 江若琳享受浪漫惊喜：快啲返嚟吓我啦

结婚近两个月的江若琳（Elanne）和萧润邦（Oscar），婚前婚后都不时在社交平台「放闪」。即使Oscar因为到日本工作，昨日未能与Elanne庆祝两人婚后首个元宵佳节，但Elanne斋用文字都足以闪盲大家。

Elanne昨晚在instagram上载合照，冧爆表示，虽然老公不在香港，「 但唔好以为我唔记得呢一日！虽然西方情人节时，我曾经公然声讨佢毛都无条！但今日元宵佳节我想多谢你❤你嘅浪漫应该得我明，哈哈！你话呢世都唔会买花畀我，因爲我哋养咗糯米糍（爱猫），佢会对花敏感 ！」

Elanne似乎觉得未够「闪」，继续说：「你唔会再买物质嘅礼物，因为你送咗一个最安稳最有安全感嘅家畀我！你每日都为紧呢个屋企努力！你唔会再搞埋啲惊喜，因为每一日你都会谂唔同嘅方法吓鬼我！例如我瞓紧觉搵水淋我，偷偷哋喺我后面扮贼抢我个袋等等，每日够晒惊喜！但系原来你唔系身边，我闷到抽筋！祝你元宵节快乐！你讲得啱，只要你喺度，日日都系情人节咁快乐！快啲返嚟吓我啦 #希望大家唔会呕 #祝大家继续甜甜蜜蜜」。