王祖蓝为处男作丧跑125场谢票：10几日瘦5磅都几好

由王祖蓝执导的贺岁片《你咪理，我爱你！》上映逾两星期，票房直冲900万。祖蓝为答谢观众，过去约两星期只要人在香港，便跑匀港九新界多间戏院疯狂谢票。经过一轮「丧跑」后，最终参与了125次谢票，笑言有时因为「赶LOCATION，成日冇时间食嘢，所以我最终10零日入面瘦咗5磅，都几好吖」。

祖蓝又分享谢票之旅数之不尽的难忘回忆，「最难忘嘅系有一个FAMILY竟然拉大队嚟睇《你咪理》，为数有成18人。第二系要多谢好多艺人朋友，佢哋虽然只系客串，但个个都好落力谢票，好似方力申、王菀之、白只、刘雅丽、梁嘉琪、陈明恩、大肚嘅岑丽香、苟姑娘、郭晋安、何远东、虾头、吴业坤、王浩信等等，另外祥师兄（阮兆祥）仲包场请《一圈圈》听众睇，真系好多谢好多谢佢哋」。

问到祖蓝为何要如此劳心劳力谢票，他笑谓：「咁话晒第一次做导演，都知自己有好多不足嘅地方，所以都好想喺戏院度问吓观众嘅第一身意见，希望之后尽量改善。」