维港会：离婚使唔使派利是？ 网民拗餐饱

农历新年又快到，单身人士最开心，因为又可以收利是。不过离咗婚使唔使派利是？呢个问题好似好简单，但有网民表示要，亦有人话唔使。Facebook群组「巴打丝打 Facebook Club」上，有网民问：「认真想问下，离咗婚仲使唔使派利是㗎？」。

唔明当然要问，因为新年派唔派利是，系一个好重要嘅事。不过大多网民都批评楼主无常识，话派单封利是，有啲网民就反问：「你唔系想收返人哋利是呀？」；不过亦网民表示，派唔派随心「睇你当唔当自己曾经有结过」，仲话「有人结咗婚都唔派啦！」，认为「礼多人不怪」，有网民话佢就有个朋友离咗婚，试过问返佢拎利是：「有个旧同事，有年新年出黎食饭聚旧，面皮厚到讲自己啱啱离婚，问我地结咗婚既逗利是，心谂男人之中，你都算极品，跌廿蚊当俾乞儿」。