倾紧摆酒生B顺其自然 阿萧求婚有送钻戒

萧正楠对昨晚宣布婚讯后，被指骑劫了整个颁奖礼，他坦言翠如原本不想自己成为焦点，毕竟颁奖礼焦点应是一众得奖同事。他说：「我谂冇咩好得过，喺全香港朋友前将呢件开心事同大家分享，亦希望畀一个难忘回忆太太。无理到俾人讲骑劫，我觉得系开心事，大家都开心。」


问到第二次求婚时否由翠如做主动？阿萧说：「详情留返畀黄翠如讲啦！」他透露婚礼于4月份到纽西兰进行，他们没有周详计划，拿起行李就出发。他说：「去到搵咗好耐都无合适嘅结婚戒指，上天对我哋好好，有日行农夫市集，见到有一档餐具扭成嘅戒指，好靓，大家就决定做结婚戒子。」问到翠如可有收钻戒？他就：「佢有啊！有求婚戒子。但你知翠如，唔会计咩大唔大粒，相信呢只结婚戒子都会继续带落去。」

是否于香港补摆喜酒？阿萧指翠如想低调，但宣布婚讯后得到大家祝福，再加上公众人物应分享如此开心事，现仍在商讨中。可会生B？他笑说：「今日开工，幕后工作人员同 （张）达伦都叫我快生，收到好多鼓励。（两都喜欢小朋友？）都锺意嘅，锺意玩罗，自己拥有一个就唔知喇，顺其自然啦。」（摄影：张家宜）