邓萃雯送蛋糕贺金马男配 袁富华开心爆喊：咁鬼马

袁富华（Ben）刚勇夺金马奖最佳男配角奖，返港后立即为ViuTV新剧《婚内情》赶工，夥拍邓萃雯、林德信（Alex）大斗演技。摄影师更「加餸」庆祝Ben哥得奖，拍摄途中雯女突然送上蛋糕，祝贺Ben哥为港争光，Ben哥忍不住喜极而泣，说：「咁鬼马！唔怪之得未cut机就入嚟啦！搞到我喊晒又要补妆！」
袁富华笑指已收拾心情，为新工作做准备，说：「一返到香港就要排舞台剧，之后嚟呢度开工，工作都未停过，不过系开心嘅。虽然第一次同雯女合作，不过大家都有讲有笑，已经唔记得当中的疲累。」他又谓未谂加片酬，随缘圆满「主角梦」，说：「缘份到自然有啦，其实之前都拍了部电影做主角，不过未上映，其实一切都系等缘份到，我好锺意做戏，所以有冇咩奖都唔紧要，最紧要有戏畀我做。」
首度与邓萃雯、林德信合作，袁富华大赞有火花，说：「第一次同雯女合作，因为大家好肯倾，我又系舞台剧出身，好著重排练搵火花，搵最好的演出方法。（拍完有冇得放假？）冇啊，因为我哋做舞台剧，拍完就要埋位闭关排戏，所以一直做落去。」