曾想短期出家 张智霖爆囝囝遗传牙尖嘴利：阿妈唔够佢讲

张智霖（Chilam）出席佛教活动，身为佛教徒的他，坦言有时间尽量会参与佛教活动。他说：「太太（袁咏仪）都有嚟，曾经谂过短期出家，但个人心浮气躁，未到时机。不过3日唔玩电话都算闭关，试1日唔玩先。」若跟太太一起禁言会否好难？Chilam表示若然想试，太太也会配合，又谓过往曾经到尼泊尔、不丹及佛祖成道的菩提树等朝圣。他说：「儿子3个月会大已经同我去尼泊尔，因为有宁波车圆寂，一定要去。佢都好有佛缘，同我们去听经会坐定定。」
有传跟太太袁咏仪于机场闹交？Chilam说：「好搞笑！我哋真系唔会唔闹交，但啲人成日问我去追佢定佢追我？佢行得咁快，我点追佢。」问到两公婆平时为何事闹交？他笑言芝麻绿豆的事，但认为两个人一起，永远不可能做到一致，必会有开心同意见分歧。他说：「我都好牙尖嘴利，要赢一定会赢，好有律师潜质。（经常赖皮？）我唔觉得，但佢会觉得系。儿子都遗传牙尖嘴利，佢有啲切入点几好，阿妈（指太太）唔够佢讲。」他又指儿子现年12岁，已是一个大人，父子感觉似兄弟。（摄影：张家宜）