【过大礼】江若琳开心收金猪牌 萧润邦豪气畀两次礼金

江若琳（Elanne）与未婚夫萧润邦（Oscar）即将于12月23日结婚，今日二人进行过大礼仪式，Elanne收到乳猪、金猪牌、嫁女饼等。她说：「今次过大礼我哋尽量都跟足传统，结果攰爆Oscar，每日有好多湿湿碎碎嘢准备，有时我会突然弹起，问佢买咗呢样、嗰样未？佢话我终于有一个新娘嘅状态。」

跟足过大礼的传统，准新郎Oscar在过程中不能出现，他自言只系负责做「柴可夫」及买必备物品。问到礼金金额？Oscar表示心意最重要，今日是第2次畀礼金，希望未来外父外母感受到十足诚意。他谓：「之前求婚嘅时候，好惊世伯伯母唔嫁个女畀我，所以一求完婚即刻畀礼金，到准备过大礼先知，原来礼金系应该今日先畀，世伯伯母话畀咗唔洗再畀，但系我坚持，我希望畀佢哋见到我嘅诚意，相信我一世都会对老婆、对佢哋好。」

另一对新人欧阳巧莹及林师杰于下月23日拉埋天窗，也拣选了今日过大礼，林师杰找来好友杨潮凯、周志康帮手做苦力。欧阳巧莹在社交平台甫出好友拎过大礼物品的照片，留言：「天气咁好，最啱过大礼，顺便做吓运动，多谢两位大只佬」。