影婚纱相搵银江若琳笑Oscar唔啱做Model

2018-06-04 16:22

江若琳（Elanne）第3度为婚纱店代言，有未婚夫萧润邦（Oscar）做拍档，令Elanne感到特别兴奋。她说：「入行咁多年，拍戏、广告，其实我大大话话著过10几次婚纱，以前系无乜感觉，只觉得系戏服1件，今次拍挡系未来老公，终于觉得著住件婚纱都几感动，同埋会好期待睇相。」

问到Elanne对今次拍档的表现有何评价？Elanne则劝Oscar继续努力做生意，「Oscar可能好多年无做幕前，纵然佢有model嘅身高，但系佢一对住镜头就好怕丑、唔系几自然，所以今次拣相嘅过程唔系好困难，只要拣Oscar表情自然、无眨眼嘅就得，佢都系继续努力建立佢嘅生煎包王国啦。」

今次拍摄地喺香港，问到Elanne同Oscar之后会唔会去外国再影婚纱相？二人话一定会：「我哋系好锺意去旅行，所以今年每去一个地方都会影啲相，有啲好生活、有啲好正式，想有多啲唔同嘅相留念。」