搭停机坪巴士遭一家三口打尖 旅客提醒排队惨遭轮流围攻

排队上车是常识，却未必人人做到。有网民发帖呻道，乘搭停机坪巴士登机时，自己早已排队，但遭一家三口人士「扮傻摄埋嚟」，遂示意对方请排队，结果被一名年老妇人、妇人的丈夫及女儿轮流炮轰，斥「小小嘢咪当睇唔到罗」，事主最后唯有息事宁人。不少网民都留言批评「成家都冇品」。

有网民昨在facebook群组「上水人大联盟」发帖，指乘搭航机从日本返回香港时，在当地机场按地勤人员指示排队搭停机坪巴士登机，「我一个人已经喺条队到，呢家人无啦啦扮傻摄埋嚟」。楼主于是提他们请排队，讵料其中年老妇人辩称自己已排队，反问「你睇唔到呀？」妇人的女儿则指「让下老人家啦」；丈夫亦插嘴批评楼主「小小嘢咪当睇唔到罗，好快就上巴士，嘈咩呢。」

楼主最终息事宁人，并慨叹只是提醒他们排队，「点知呢家人就将所有事反转讲。依家啲老嘢，真系恃老卖老，真系好XX。」

帖文引来不少网民「嬲嬲」，有人批评一家三口很丢架，「其实位就一早划晒 ，又要上齐人班机先起飞，咁赶为乜」、「最乞人憎就系呢啲人」。另有网民认为类似情况不时发生，「恃老买老，细嘅又系咁大嘅又系咁。」