汪圆圆唔知香港读书咁紧张 汪诗诗凑老公辛苦变残样

汪诗诗、汪圆圆齐撑张玉珊出席慈善晚宴，圆圆一对孖仔已两岁，开始上学前班；大女则读K2班。圆圆笑说：「我唔系香港长大，唔知道香港读书原来咁紧张，要周围问朋友。」有指她可以问家姐诗诗取经，诗诗却自爆：「唔记得晒啦！依家啲仔女都唔太理我，佢哋都有嘢忙，我又返工，都好少见。」
笑指她仍要凑「大BB」即丈夫甄子丹，诗诗笑说：「系啊！（辛苦？）梗系辛苦，你睇我几残。最近要电影宣传，一齐工作好开心。」问到若二选一，她会选择凑丈夫还是孩子？她说：「答案好简单，但我唔会答。因为3个小朋友都已经识听识睇。」（摄影：张家宜）