维港会: iPhone炒唔起转炒胶纸？每卷卖80蚊

新iPhone今日下午接受预订，但似乎唔系好炒得起。不过香港人出名脑筋转得快，总会搵到搵快钱方法。随著超级台风「山竹」逼近，不少市民都要抢购胶纸封玻璃窗，于是胶纸价位愈升愈有，网上更传有铺头疑将胶纸炒到54蚊！
填词人梁栢坚今日出po，指今早有朋友在湾仔买3M皱纹胶纸，10蚊已买到，但中午过后，已有铺头卖29蚊；有网民就报料，中环已卖到30蚊。
不过，个风未打到嚟，平时最叻捉紧每个赚钱机会嘅香港，又点会咁快俾佢炒完呢？facebook专页「成家买楼理财创富」就分享照片，一家铺头的胶纸今早原本卖15蚊，但其后疑一度炒至54蚊。另外，又有网民出帖，声称胶纸断市，以80蚊兜售。「山竹」来势汹汹，搵到胶纸唔通唔抢咩？