余德丞出院啦！感言生命无take 2：好快重新出发

余德丞（Dickson）上月初踢波不适昏迷入院，心脏一度停顿，留医深切治疗部（ICU）近5日后情况好转，再转送心脏科病房观察。早前他已报过平安，希望尽快出院，今日他再于社交平台报喜：「我出院啦」，并感言生命无take 2，会好好珍惜活著的日子，及多谢医生同护士们、屋企人、朋友和同事等的支持。刚于本月2日29岁生日的Dickson亦甫出蛋糕照，及好友为他集气的心意卡、签名T恤。

Dickson全文如下：

我出院啦
感谢玛丽医院嘅医生同护士们，见住你哋早更完又夜更，又一大早巡房，又每日24小时留意住我嘅病情，真系辛苦你哋！
感谢我嘅屋企人，每日担心我病情嘅变化，又惊我唔知有咩需要，仲要每日频频扑扑帮我准备三餐。
感谢我公司，我经理人同一班好同事，成日担心我会钻牛角尖乱咁念（谂），一得闲就开解我。
感谢我嘅朋友，知我一个人闷，一有空档就嚟陪我倾偈，仲要买埋生果糖水畀我食。
感谢每一位关心我嘅你哋同支持我嘅fans，喺唔同嘅社交平台都见到有好多问候我嘅讯息。虽然我未能够一一回覆，不过我绝对感受到你哋嘅心意。

不过坦白讲，原来连续咁多日面对住一样嘅三面墙，加埋打唔开嘅窗，感觉真系好难受！所以我都希望今次之后，我嘅身体会生生性性，争一口气，唔好再令大家担心。

医生话短期之内唔可以做运动住，相信都会系我最唔习惯嘅。生命无take 2，今次咁好彩有多一次机会，我一定会好好珍惜。畀啲时间，等我休养多一阵，好快我就会重新出发 #我只想身体健康 #回家最好不过 #第二生命#comebackstronger #happybirthdaytome #hk #hkig #instadaily #yuts