【继续留院】余德丞大步槛过首开腔：多谢全香港每一位嘅关心

28岁的余德丞（Dickson）在本月8日因踢波不适昏迷入院，留医深切治疗部（ICU）近5日后，已转送心脏科病房观察，身体逐渐康复。今日他透过无綫网上平台报平安，入院后首度开腔剖白身体情况。

Dickson声线精神，感言：「我真系觉得自己好好彩，非常感恩、开心，今次可以大步槛过，醒得返再同你哋讲嘢。所以衷心多谢全香港每一位嘅关心、问候、祝福同集气，令我能够醒得返，真系衷心多谢你哋每一位。」

他续说：「其实真系醒返先知道件事，哗，原来都几严重，因为昏迷嗰阵个心都停咗一段比较长嘅时间，所以起得返身同大家倾偈真系好好彩。喺呢几日里面慢慢康复，讲嘢都清楚咗，咁当然医生都建议我要留院多一段时间，Check清楚身体系咪真系OK喇，先至可以出到院。最后我好多谢玛丽医院嘅上上下下咁多位医务人员，佢哋悉心嘅照顾，同埋帮我喺关键时候帮我做心肺复苏嘅足球队队友，仲有屋企人每日都嚟支持我、整嘢畀我食。仲有TVB嘅上上下下咁多位好同事，同埋咁多位传媒朋友，冇咗你哋一位都唔得。所以希望可以快啲出院同大家见面啦，有咩新嘅消息再通知你哋，记住身体健康最紧要。」