拉埋慧敏哥拍MV开工笑到收工 林欣彤爆背后苦况

林欣彤（Mag）近日虽然备受声带问题困扰，但仍落力宣传新歌《Da Di Da》，及为年尾12月的处女演唱会积极备战。新歌由Mag亲自作曲及填词，灵感来自好友陈慧敏及另外两名昔日「巨声」战友。为了纪念这段一起走过不少「高山低谷」的友谊，Mag早前诚邀慧敏哥一起到海边为新歌拍MV，两个大细路更寓工作于娱乐，除了大啖食美味手工雪糕，更齐齐在海边晒太阳执贝殻，全程开工笑到收工。

Mag笑言镜头前与慧敏哥虽然开心到爆，但其实拍摄过程台前幕后不无辛苦，说：「嗰日其实好晒好热，我哋为咗惊晒伤，导演一嗌Cut，我哋就冲去帮自己担遮，忙到不得了；难为队Crew仲要『乾煎』搵拍摄角度，真系好多谢佢哋。跟住我哋食雪糕嗰阵，根本一买完杯雪糕就系咁滴，但我哋又要喺镜头前扮开心喎，好狼狈。然后我哋瞓喺沙滩度最Relax嘅时候，无端端一个大浪冚埋嚟，完全避唔到，成个人湿晒。不过有慧敏哥陪我，就算发生咩事我都觉得好好笑。」Mag又大赞慧敏哥甚有义气：「虽然拍呢个MV时好好笑，但拍完之后，已经好大风，天文台仲话有打风嘅可能性。所以慧敏哥一收工，就要滚水渌脚赶船返澳门，真系辛苦佢。上次佢帮我拍MV又系要捱夜同捱时差，呢位朋友真系唔话得 。」