孖男演员扮热恋劲尴尬 林欣彤谂话题带动气氛

林欣彤推出新歌《重光纪念日》，拍摄MV时她四处游走，查实有苦自己知，皆因拍摄当日天气不稳定，关机前夕更下过雨，以至丛林路面相当湿滑，加上导演要求高，为求靓景不惜「攀山涉水」。林欣彤直指拍摄该MV有难度：「嗰日嘅路唔单止跣，仲好难行，所以我要用好多腰力同脚力去平衡。拍完后条腰足足痛咗两、三日，要狂拉筋先至冇咁痛。同埋因为有部份镜头要配合后期，我要KEEP住幻想自己系追逐紧啲萤火虫，但同空气做戏有时真系好迷失，所以好多时要导演亲自指导。」

除了丛林拍摄考验演技及体力，林欣彤与男主角的对手戏亦是「耐力大作战」，她谓：「咪睇我哋镜头前咁亲密，其实我哋唔系好熟，但因为拍摄行程好赶，半日要走成4、5个地点，我哋焗住冇时间warm-up就要扮热恋。起初都好尴尬，后来用『头臭』做话题，后尾都成功带起咗话题同气氛。」

为配合角色，导演不时要求林欣彤做出撒娇表情及动作，问到她私底下多唔多撒娇？她笑称：「我唔知自己系点，但我屋企两只狗仔成日向我撒娇，佢哋啲眼神简直杀死我。可能真系对得多，我啲熟朋友睇完个MV后，都话我撒娇嘅眼神好似我屋企嘅狗仔『二佬』。」