鸡翼「甩底」事件再发酵 非涉事学生会成员为「冰川社三」抱不平捱轰

科大学生会「甩底」小食店赞助200只鸡翼事件有新发展。网上出现疑为科大学生会抱不平的言论，指「讲咗话唔要仲想点？」、「Block佢(小店)好正常」等等，有关言论其后被转载其他fb专页，惹来网民猛烈评击。
网民‎Chloe在fb群组「巴打丝打 Facebook Club」贴图，图中一位名叫Timothy的网民疑为科大学生会「甩底」抱不平，留言指「都唔要人鸡翼，Block佢好正常。Ocamp咁忙，个电话大把msg（信息），梗系要过滤。讲咗话唔要仲想点？铺头唔识卖咗佢嘅？如果铺头最后丢咗啲鸡翼，浪费嗰个系铺头唔系个庄罗。」该网民又指，「庄年中r几十间铺头sponsor，渔翁撒网，最后比预期多左，最后拒绝要sponsor又系正常不过，你赞助我就一定要？」又指全港的庄都是这样，今次「冰川社三」「不幸」上报都是因为店铺老板小器。
Chloe把有关留言截图再上载，并指「依家大学生啲思想真系好得人惊」，引起网民热烈讨论有网民怒斥「无家教」、「不知所谓」等，亦有网民指「其实唔要唔系一个问题，个问题系你嘅态度真系好差！」并指「你唔单止浪费左食物，仲要系负责人嘅一片心机」。
有网民怀疑Timothy是涉事学生会成员，不过「冰川社三」否认，指发文者是其他学生组织成员，而非「冰川社三」的干事或成员，有关言论亦不代表他们的立场。