【最后节目】卢凯彤获爱猫精神上照顾 揭太太更得宠物欢心

卢凯彤（Ellen）本月5日在跑马地住所堕毙，终年32岁。今年5月她曾带15岁爱猫苏菲上ViuTV节目《晚吹-喵喵喵》做访问，分享与家中4只猫猫的点滴。节目在昨晚播映，亦是Ellen生前最后一个节目专访。

视猫猫为家人的Ellen，入行两年获唱歌老师送赠猫女苏菲，之后再养3只猫仔Thom Thom、DJ及Juno。Ellen自认偏心苏菲，因它陪伴度过躁郁症低潮期，「佢一啲都唔嗲，我好记得躁郁症期间系冇做嘢，苏菲系一只特别有灵性嘅猫，有一段时间自己匿埋喺屋企喊，或是情绪好低落好低落嘅时候，苏菲平时就唔理我嘅，自己喺梳化瞓。但喺我喊嘅时候，佢系唯一一只会好主动行埋嚟伏喺我度，等我喊完佢就会走开，佢真系冇嘥我米饭。」

Ellen感言猫猫就像家人，令她心安，回家可与苏菲倾诉心事，笑言其他3只猫是苏菲的「同居密友」。事实上她也爱锡它们，睡觉时会揽猫猫，又指其他3只猫没苏菲醒目，IQ、EQ都较低，喜欢它们很傻气。

去年本想移民台湾的Ellen为苏菲搁置计划，因为搭飞机前带猫猫打针、登记及检查血液中的疯狗症抗体，才可带宠物入境，可是苏菲打了两次针都没产生抗体，最后决定不移民，曾在台湾发展事业的Ellen也多留在香港照顾猫猫。

原来Ellen的台籍太太余静萍更得猫猫欢心，Ellen称：「佢有个怪癖，就系同啲猫配音同讲嘢，譬如：『今天我很闷呀！』、『今天回家真的要吃好一点，不吃好一点真的不能睡呀！』」佢同猫讲嘢多过同我讲嘢，好怪！佢叫我配音，我话真系唔识配，冇咁大想像力。」

谈到想对苏菲说的话，Ellen摸著苏菲笑指：「我真系多得你唔少呀！」她又说支持领养，不放弃养爱猫，又称：「多谢苏菲，多谢我啲猫，成为我生活里面不可缺少嘅一份子，甚至比我嘅另一半更加认识我。喺我独立生活呢段日子，其实唔系我照顾佢，系佢哋喺精神上照顾我。」