小朋友扯烂零食包装饼乾散落一地 家长拒赔：细路仔唔好咁计较

不少小朋友见到新奇事物，总是手多多触碰！有零食店店员就分享一次不愉快的经历，指有小朋友在店内手多多将零食包装扯烂，导致饼乾散落一地，惟其父母不但偷偷将饼乾扫至零食架下，被店员揭发更一度拒绝赔偿，理直气壮称「小朋友手多啫，唔好咁计较」。店员不禁在帖文中怒斥「几时有细路仔做错嘢唔使罚嘅错觉？细路仔大晒？」。

该名店员在社交网站facebook「西客之道 HIspitality」中抱怨，指有一家三口在店内购物时，小朋友「见到啲吊住嘅饼就系咁扯（唔知点解十个有九个细路都系咁）点知一扯，成条散晒，跌到成地都系饼，呢对男女仲以为用扫落个架下边就冇人知，咪以为阿姐我盲啦」。

于是店员在该家人结帐时，要求对方赔偿，怎料该名父亲反驳称「唔系罗，你边到见到系我哋整烂呀，唔好乜都入我哋数啦」，而母亲亦在一旁称「小朋友手多啫，你唔好咁计较罗」、「小朋友啫你使唔使咁呀」。店员气极怒斥「小朋友又点先，一句小朋友唔通可以连铺拆埋？唔想畀钱就睇住小朋友唔该！」。

最终该对父母在店员坚持下，作出赔偿，临离开前更不忘拿走散开的饼乾「尸骸」，并声称「畀咗钱嘅，几大都要攞埋呀！」。该行为引起店员不满，在帖文中怒斥「细路仔大晒？」

事件引起不少网民共呜，有人留言赞店主做得好、「最x憎人地讲细路仔，知道个仔冇人性，唔该睇实啲。唔怪细路无人性，只怪老豆老母唔尽责」、「好多老豆老母都系唔会睇住啲细路，谂住个员工同佢睇埋」。