谭俊彦手伤缝廿针 冒爆伤口之险抱朱晨丽

朱晨丽在新剧《特技人》应付多场动作戏，也与「大师兄」谭俊彦有感情线，日前播出戏中戏，二人结婚后谭俊彦要抱起朱晨丽逃走。

虽然谭俊彦在镜头前表现型爆，但其实有苦自己知，因为拍摄该场戏份前一天，谭俊彦在拍摄中途手部受伤，要入院缝廿多针，翌日便要继续拍动作戏，令朱晨丽非常担心。她说：「因为佢要抱起我，我惊佢只手个伤口爆，所以我自己都有就力，令佢冇咁辛苦，好在最后拍几次就OK！」

讲到跟谭俊彦合作，朱晨丽表示很放心，大赞对方表现淡定：「真系好似『大师兄』咁，好照顾我哋成TEAM人，记得旧年开工头几日佢生日，我就准备咗个蛋糕一齐庆祝，当时大家都未熟，佢有少少尴尬，不过好快熟络。最深刻系拍KISS戏，因为当时佢个仔出世第2日，成个剧组都戥佢再做爸爸开心，我觉得谭俊彦直头系大赢家，太太生完第2日就KISS第2个，好有艳福！」