陈展鹏谈离亚视回娘家 直认「唔想离开TVB」认当年捱得苦

陈展鹏（煎pan）不时都被网民笑言「亚视味浓」，虽然他曾在亚视拍过戏，但他其实都是无綫训练班出生。煎pan逾20年的演艺生涯经历不少波折，在外闯荡一番后仍然决定回归无綫，他自爆当时人工由四万多减至一万多，但因希望给予自己一个交代决定回巢发展。
煎pan接收《巴士的报》访问时表示，虽然离开过无綫，但他直认「唔想离开TVB」，只是在机缘巧合下去了宝丽金唱片公司发展，可惜当时遇到金融风暴令亚洲区陷入低迷，煎pan亦感叹当时捱得非常辛苦，「因为真系无机会，咁嗰阵时又系20几岁，边会谂住会输㗎？你明唔明白？有机会嘅，系咪先？无谂住会输㗎嘛。但实际上证明话俾你听，系无机会，就算你几雄心壮志都好，你无机会就系无机会。」

当时无綫曾经与煎pan沟通过，希望他回巢发展，煎pan表示其实自己渴望「返娘家」，惟未能冲破心理关口，「你要明白到当一个人，你喺一间大公司，喺TVB，你决定离开咗之后，而你无乜表现、无乜作为、你又翻返嚟TVB，你觉得好似自己原地踏步」，所以煎pan才决定到亚视发展。但因为亚视变动非常大令他难以发展，最终还是决定回巢。
刚返回无綫时，煎pan其实已在娱乐圈中打滚了有将近十年之久，「但观众唔系好认识你，你好想同自己有个交代，即系觉得其实做咗呢行，钱唔钱唔好谂了，已经唔系谂钱唔钱，希望嚟到一个咁大嘅舞台，得唔得就要睇你自己陈展鹏了，你要学嘅都学咗咁耐，跟住先至有勇气返嚟TVB」，他又强调这个转变令其人工少了三分之二，「由4万几蚊到到得返万几蚊（返嚟TVB），咁都决定要试，即系一个交代，咁好好彩，自己嘅表现，有好多监制都睇到，跟住机会一路一路咁多」。

回巢后的煎pan拍摄了不同题材的电视剧集，但煎pan觉得较能被观众接受的都是比较正面、正气的角色，「其实我都好奇怪，因为我个样，其实好多朋友讲，或者我自己都觉得，我系啱一啲亦正亦邪，但唔知点解真系中嗰啲都系比较正气啲、一啲hero啲咁嘅嘢」，不过煎pan认为这些角色不太难拿捏，只要剧本及角色赋予到立体感就会做到，「好得意，有时候你自己锺意做嘅嘢，或者你觉得系好有诚意做嘅嘢，未必系一定出嚟口碑系好嘅」。
被问到会否返内地拍戏，煎pan指虽然都有谂过，但他最希望的还是「可以做到我自己想做嘅嘢」，而TVB正正可以令他心想事成拍摄到他希望拍摄的作品，「香港得一个（主要拍剧的）电视台，咁你都要团结㗎，全部人走晒咁拍乜嘢啊？系咪啊？所以我希望都拍一啲属于香港品味、香港节奏嘅，我哋再将个剧本再精细啲、再琢磨好啲嘅剧本出嚟。」
逾20年的演艺事业，煎pan认为自己是一个「好幸运的人」，因为这行无论台前幕后有很多有才华、有诚意的人，但未必每个人都有好的回报，但他就是一个有好的回报的人。而且因为经历过重重波折，令他更加懂得珍惜，知道什么才是令他有「真正的财富」，「就系30岁俾自己一个交代，人与人之间的交代，可能呢样嘢就系我追寻嘅嘢，可能无论喺呢一行之后会遇到高高低低都好，都系因为后生呢啲经历，令到我识调节，识得去享受，去珍惜。」