陈展鹏否认同袁文杰闹不和唔惊新剧硬碰世杯

2018-06-26 14:22

无綫剧集《天命》昨晚举行首播活动，陈展鹏、谭俊彦、陈山聪、唐诗咏、李施嬅及姚子羚等出席。谈到首播迎击世界杯，陈展鹏说：「系啦！世界杯系几难搞，我都有睇。不过只要系好作品，观众就会睇。」谭俊彦提到体制已改变，观众可以网上睇重播。

提及剧情，谭俊彦大爆陈展鹏多激情戏，陈展鹏笑笑解释激情戏是他与其他男演员拍，跟女演员演甜蜜戏。谭俊彦亦笑说：「我身边全部都系太监。」问到拍激情戏是否要太太批准？他笑说：「无话唔得，电视尺度又唔会太离谱。不过太太话会10倍奉还，佢都系艺人嘛！不过都系唔好，费事小朋友睇到问点解唔系揽住妈咪。」

此外，有报道指陈展鹏跟袁文杰不和，陈展鹏笑谓：「都系时候喇！我咁闷，有新闻畀我宣传套剧。等我又回应吓啦，我同杰仔尽在不言中，佢今日有事，所以嚟唔到宣传，唔系因为我哋唔妥。下次你哋又可以问吓佢，几好。」

剧中唐诗咏是陈展鹏的红颜知己，提到谭俊彦大爆多激情戏。她笑说：「古装唔会太激情，我哋又唔系《深宫计》。（有无肚兜睇？）我哋玩心意，用含蓄方式表达。（咁好吸引喎。）系，我都觉得好吸引。」

李施嬅就希望观众多多支持新剧，因她已经有两年多无剧出街。至于首播撞正世界杯，会否觉得运滞？她笑称：「真系天命，大家去睇返，我拍到甩头发，大家要支持我。」另外，她计划跟好姊妹姚子羚、胡蓓蔚到泰国进行洗涤心灵之旅，会多拍泳衣照，指这是重要节目之一。